waada hai hamara...

Tum jeena chahti thi,
hum sab ki tarah....... 
tumhari aankon me sapne the, dil me arman,
hum sab ki tarah.....
aur vah sab tum chod gayi ho hamare paas
ek keemti khazane ki tarah.......

tum ek ladki, ek naam nahi ho...
tum har maa ke dil me ho, har pita ke seene me ho......
har behan ke hausle me,
har bhai ki rooh me ,
har jawa irade me sunai deti hai tumhari aawaz........
banti hai kabhi mombatti ki law, kabhi ek tani hui mutthi......
kehti hai, badho mazboot kadmon se 
rukna ab gunah hai, chup rehna buzdili....

tumne hame dikhaya hai ek jhilmilata aasman........
subha ke ujaale saa sunehra.....
wahi jo manzil hai tumhari, meri, sabki.....

aur ham wahan pahuchenge yakeenan,
ek toofan, ek lahar bankar......
YE WAADA HAI HAMARA......